پنجاب حکومت نے پی ٹی آئی چیئرمین عمران خان کو 22 مارچ کو جلسے کی اجازت دینے کا فیصلہ کرلیا اور خبردار کیا کہ گھیراؤ جلاؤہوا تو جوابی کارروائی زمان پارک میں ہوگی۔
تفصیلات کے مطابق پنجاب حکومت نے تحریک انصاف کو 22 مارچ کو جلسے کی اجازت دینے کا فیصلہ کرلیا۔
ذرائع نے بتایا کہ شہر میں توڑ پھوڑ کی اجازت نہیں دی جائے گی اور اگرجلاؤ گھیراؤ ہوا تو جوابی کارروائی زمان پارک میں ہوگی۔
ذرائع کا کہنا تھا کہ پولیس کی جانب سے عمران خان جلسے کو سکیورٹی نہ دیے جانے پر غور کیا جارہا ہے، صرف عمران کو بطور سابق وزیراعظم سکیورٹی دی جائے گی۔
گذشتہ روز پاکستان تحریک انصاف کے چیئرمین عمران خان نے اتوار (22 مارچ) کو ایک بار پھر مینار پاکستان پر جلسے کا اعلان کیا تھا۔
ان کا کہنا ہے کہ یہ لوگ مجھے کسی بھی طرح مجھ کو راستے سے ہٹانا چاہتے ہیں، گرفتار کریں گے یا قتل کردیا جائے گا۔
