چیئرمین تحریک انصاف عمران خان نے امریکی وفد سے ملاقات میں امریکا کے ساتھ اچھے تعلقات رکھنے کی خواہش کا اظہار کیا ہے۔
امریکی وفد نے زمان پارک لاہور میں عمران خان سے ان کی رہائش گاہ پر ملاقات کی، امریکی وفد میں کیلی فورنیا پارلیمنٹ کے ممبر کرس ہولڈن، وینڈی کیری لو، مائیک گپسن، اور ریزایلوئس شامل تھے۔
ریاست کیلیفورنیا کے پارلیمنٹری وفد کی چئیرمین پاکستان تحریک انصاف عمران خان سے ملاقات. وفد میں سپیکر، میجورٹی لیڈر سمیت اہم افراد شامل تھے. pic.twitter.com/KTuHPaHzaX
— PTI (@PTIofficial) March 1, 2023
عمران خان سے ملاقات کرنے والے وفد میں ڈاکٹر آصف محمود سمیت 4 پاکستانی نژاد امریکن شہری بھی شامل تھے۔
ذرائع کے مطابق وفد سے مختصر ملاقات کے بعد عمران خان نے امریکی ممبر پارلیمنٹ سے الگ ملاقات بھی کی، الگ ہونے والی ملاقات کے وقت ڈاکٹر آصف محمود بھی موجود تھے۔
ذرائع کا بتانا ہے کہ ملاقات میں عمران خان نے مستقبل میں امریکا کے ساتھ اچھے تعلقات کی خواہش کا اظہار کیا۔
