پنجاب فلم سٹی: پاکستان کی انٹرٹینمنٹ انڈسٹری کا مستقبل تشکیل دیتا ہوا منصوبہ

پنجاب فلم سٹی: پاکستان کی انٹرٹینمنٹ انڈسٹری کا مستقبل تشکیل دیتا ہوا منصوبہ
تحریر: عمر محمود ( اسسٹنٹ ڈائریکٹر پی آر، سی بی ڈی پنجاب)
پنجاب فلم سٹی، وزیر اعلیٰ پنجاب محترمہ مریم نواز کی قیادت میں شروع کیے گئے ویژنری منصوبے نواز شریف آئی ٹی سٹی کا اہم جزو ہے، جو کہ 800ایکڑ پر محیط ایک میگا پراجیکٹ ہے۔ یہ انقلابی منصوبہ سینٹرل بزنس ڈسٹرکٹ (CBD) پنجاب کے تحت آئی ٹی ڈسٹرکٹ، یونیورسٹی ڈسٹرکٹ اور فلم سٹی کو ایک اسمارٹ اور ٹیکنالوجی سے ہم آہنگ شہر میں ضم کرتے ہوئے اس نعرے کے تحت فروغ پا رہا ہے کہ: ’’ جہاں ہر زندگی آئی ٹی بن جائے‘‘۔
اس خواب کے مرکز میں ایک جرات مندانہ عزم موجود ہے: پنجاب کو جنوبی ایشیا کی تخلیقی معیشت کا محور بنانا۔ صدیوں سے پاکستان کی ثقافتی اور فنونِ لطیفہ کی روح کہلانے والا پنجاب اب اپنی قدیم تہذیب کو جدید ڈیجیٹل انفرا سٹرکچر سے جوڑ کر فلم اور تفریح کی دنیا میں ایک نیا باب رقم کر رہا ہے۔
پنجاب فلم سٹی محض ایک جغرافیائی مقام نہیں بلکہ ایک جدید تفریحی مرکز ہے جو جدید ترین ٹیکنالوجی سے لیس ہے۔ اس میں اے آئی سے تقویت یافتہ پروڈکشن سوئیٹس، ورچوئل رئیلٹی سے مربوط اسٹوڈیوز، سائونڈ پروف اسٹیجز اور خودکار پوسٹ پروڈکشن یونٹس شامل ہیں، یعنی ہر پہلو کو بین الاقوامی معیار کے مطابق ڈیزائن کیا جا رہا ہے۔ اس کے علاوہ یہاں کریئیٹو انکیوبیشن زونز بھی قائم کیے جا رہے ہیں تاکہ نوجوان فلم سازوں، مصنفین اور کانٹینٹ کریئیٹرز کو جدید تربیتی پروگرامز، عالمی سطح کے مینٹورز اور جدید ٹولز تک رسائی حاصل ہو۔
اسمارٹ آرکیٹیکچر اور ڈیجیٹل انٹیگریشن کی بدولت فلم سٹی پروڈکشن کے تمام مراحل کو نہایت سہل بنائے گا، پری وژولائزیشن سے لے کر فائنل کٹ تک۔ آئوٹ ڈور شوٹنگ سیٹس، متنوع فلم اسٹیجز اور سمیولیشن انوائرنمنٹس کی موجودگی فلم سازوں کو غیر معمولی تخلیقی آزادی فراہم کرے گی۔ لیکن پنجاب فلم سٹی کی اہمیت صرف اسکرین یا اسٹیج تک محدود نہیں۔ یہ بین الاقوامی کو۔ پروڈکشنز کو راغب کرے گا، پبلک پرائیویٹ پارٹنر شپس کو فروغ دے گا، اور ثقافتی سیاحت کو فروغ دے کر ہزاروں نوکریوں کے مواقع پیدا کرے گا، یوں یہ نہ صرف مقامی تخلیقی معیشت کو مضبوط کرے گا بلکہ کہانی سنانے والوں کی نئی نسل کو بھی تحریک دے گا۔ یہ منصوبہ معیشت کا ایک محرک اور ثقافتوں کے درمیان ایک پُل کا کردار ادا کرے گا، پاکستان کے بیانیے کو دنیا تک پہنچاتے ہوئے۔
یہ تاریخی منصوبہ وزیر اعلیٰ پنجاب مریم نواز کے اس عزم کی عکاسی کرتا ہے کہ مستقبل کے تقاضوں سے ہم آہنگ انفرا سٹرکچر تیار کیا جائے جو ٹیکنالوجی، تعلیم اور ثقافت کو یکجا کرے۔ ساتھ ہی یہ پاکستانی سینما کی اُس روح کو بھی دوبارہ زندہ کرتا ہے جو اب جدید ذرائع اور پلیٹ فارمز کے ذریعے عالمی سطح پر اپنا مقام بنانے کو تیار ہے۔
پنجاب فلم سٹی صرف ایک مقام نہیں، بلکہ پاکستانی سینما کی نشاۃ ثانیہ کی جائے پیدائش ہے، جہاں روایت اور جدت یکجا ہو کر کہانیوں کو وہ عالمی معیار کا اسٹیج مہیا کرتی ہیں جس کی وہ حقدار ہیں۔