پہلی پاکستانی خلاباز، نمیرہ سلیم

تحریر :محمود خان

پاکستان کی پہلی خلاباز خاتون نمیرہ سلیم تاریخی خلائی سفر کا آغاز کرنے جا رہی ہیں، وہ آنے والے دنوں میں پانچ اکتوبر کو یہ کارنامہ انجام دیں گی، نمیرہ سلیم کا خلائی مہم کے آغاز سے یقینا پاکستان کی ایک بڑی کامیابی ہے۔ نمیرہ سلیم خلا میں پاکستانی پرچم بلند کرنے کا عزم رکھتی ہیں۔ اس حوالے سے خلائی سیاحتی کمپنی، ورجن گیلیکٹک ہولڈنگز نے اعلان کیا ہے کہ اِن کی فلائٹ ونڈو اگلے ماہ اکتوبر کو اپنے سفر کا آغاز کرے گی۔ورجن گیلیکٹک کے بانی خلاباز رچرڈ برانسن کی جانب سے نمیرہ سلیم کو اس خلائی سفر کے لیے نامزد کیا گیا ہے، نمیرہ سلیم خلائی مسافر کی پوزیشن حاصل کر چکی ہیں۔ ایک ٹی وی انٹرویو میں نمیرہ سلیم کا کہنا تھا کہ موجودہ نگران حکومت نے مجھے سپورٹ کیا ہے اور حوصلہ افزائی کی ہے، ورنہ قبل ازیں مختلف سیاسی پارٹیوں کی حکومت نے مجھے وہ ترجیح نہیں دی جتنی میں اس کی حقدار تھی۔ انہوں نے بتایا کہ بچپن ہی سے خلا کے حوالے سے پڑھتی رہی، دیکھتی رہی اور سوچتی رہی ہوں، اس سے پہلے خلا میں پاکستان کی جانب سے کوئی خاتون اور نہ ہی کوئی مرد گیا ہے ۔ نمیرہ سلیم کا بنیادی تعلق کراچی سے ہے ،اپنی ذات کے ساتھ ساتھ انہوں نے وطن عزیز کا ہر میدان میں نام روشن کیا ہے۔2006میں حکومت پاکستان کی جانب سے انہیں باضابطہ طور پر’ پہلی پاکستانی خلاباز‘ کے طور پر تسلیم کیا گیا۔2007میں نمیرہ سلیم نے پاکستان کیلئے سیاحت کے اعزازی سفیر کے طور پر خدمات انجام دے چکی ہیں۔ جنہیں وزارت سیاحت نے مقرر کیا تھا ۔ وہ اپریل 2007میں قطب شمالی اور جنوری 2008میں قطب جنوبی تک پہنچنے والی پہلی پاکستانی خاتون ہیں۔ انہیں تاریخی فرسٹ ایورسٹ سکائی ڈائیو 2008کے دوران مائونٹ ایورسٹ پر سکائی ڈائیو کرنے والی پہلی ایشیائی اور پہلی پاکستانی ہونے کا اعزاز بھی حاصل ہے۔ وہ امن کیلئے بھی کام کرتی رہی ہیں اور2011میں صدر پاکستان نے نمیرہ سلیم کو ملک کے اعلیٰ ترین سول ایوارڈ تمغہ امتیاز سے نوازا تھا۔ انہیں بین الاقوامی امن اور ہم آہنگی کو فروغ دینے کی کوششوں پر ستمبر2013میں لندن میں ایوارڈ سے نوازا گیا۔ نمیرہ سلیم کو یہ اعزاز بھی حاصل ہے کہ وہ پاکستان پاور 100کی ویمن پاور میں شامل رہی ہیں۔ دوسری جانب نگران وفاقی وزیر اطلاعات و نشریات مرتضیٰ سولنگی نے پاکستان کی پہلی خلا باز خاتون نمیرہ سلیم سے ملاقات کی ۔ اس موقع پر ان کا کہنا تھا کہ نمیرہ سلیم کا خلاء کا آئندہ سفر خلائی تحقیق میں پاکستان کی بڑھتی ہوئی موجودگی اور قوم کے لیے ایک بڑی کامیابی کی علامت ہے۔ انہوں نے بڑے حیرت انگیز طور پر کارنامے سرانجام دیئے ہیں۔ پاکستان میں شاید ہی کوئی دوسرا ہو جنہوں نے اتنی بڑی تیزی سے کامیابی حاصل کی۔ تاہم نگران وفاقی وزیر اطلاعات مرتضیٰ سولنگی نے پاکستان کی پہلی خلا باز خاتون نمیرہ سلیم کو آئندہ ماہ پانچ اکتوبر کو اپنے خلائی سفر پر روانگی سے متعلق تیاریوں سے آگاہ کیا، نگران وفاقی وزیر اطلاعات نے نمیرہ سلیم کو خلائی سفر شروع کرنے پر حکومت پاکستان، وزیراعظم پاکستان اور عوام کی طرف سے مبارکباد پیش کی، نگران وفاقی وزیر اطلاعات نے نمیرہ سلیم کی کامیابی کے لئے نیک تمنائوں کا اظہار بھی کیا۔ اس موقع پر ان کا کہنا تھا کہ نمیرہ سلیم کا خلا کا آئندہ کا سفر خلائی تحقیق میں پاکستان کی بڑھتی ہوئی موجودگی
اور قوم کے لیے ایک بڑی کامیابی کی علامت ہے۔ نمیرہ سلیم نے بڑے حیرت انگیز طور پر کارنامے سرانجام دیئے ہیں۔ پاکستان میں شاید ہی کوئی دوسرا ہو جنہوں نے اتنی بڑی تیزی سے کامیابی حاصل کی ہو۔ یہ امر حقیقی ہے کہ نمیرہ سلیم پانچ اکتوبر کو خلا میں جائیں گی اور پاکستان کی پہلی خاتون ہے، جنہوں نے خلا میں جاکے ایک تاریخ ر قم کی ہے۔ پاکستانی خلا باز نمیرہ سلیم اپنے خلائی سفر کرنے کے لئے تیار ہیں ، پانچ اکتوبر کو خلا میں پہلی بار پاکستانی پرچم بھی لہرائیں گی، پاکستان سے تعلق رکھنے والی نمیرہ سلیم نے قطب جنوبی پر قدم رکھا اور وہاں پہلی مرتبہ پاکستان کا پرچم لہرانے کا اعزاز حاصل کیا.یہ پرچم انہیں 24دسمبر 2007ء کو پاکستان کے نگراں وزیر اعظم محمد میاں سومرو نے دیا تھا۔ نمیرہ سلیم اس سے قبل 21اپریل 2007ء کو قطب شمالی میں بھی پاکستان کا پرچم لہرا چکی ہیں۔ نمیرہ سلیم پہلی پاکستانی خاتون ہیں جنہیں قطبین پر پہنچنے کا اعزاز حاصل ہوا۔ دیکھا جائے تو نمیرہ سلیم تمام خواتین کے لئے ایک رول ماڈل ہیں، پاکستان کی نوجوان نسل زندگی کے مختلف شعبوں میں پاکستان کا نام دنیا میں بلند کر سکتی ہے، نمیرہ سلیم کا سفر خلائی تحقیق میں پاکستان کی بڑھتی ہوئی موجودگی کی علامت ہے جو قوم کے لئے ایک اہم کامیابی ہے، نمیرہ سلیم کی اس کاوش سے پاکستان کے امن پسند اور ترقی پسند ملک کی حیثیت سے مثبت تشخص اجاگر ہوگا، واضح رہے کہ نمیرہ سلیم پاکستان کی پہلی خاتون ہیں جنہیں قطبین پر پہنچنے کا اعزاز بھی حاصل ہے، نمیرہ سلیم 21اپریل 2007ء کو قطب شمالی میں پاکستان کا پرچم لہرا چکی ہیں جبکہ آئندہ ماہ پانچ اکتوبر کو وہ خلائی سفر پر روانہ ہو نے جا رہی ہیں۔