حکومت نے پاکستان کے 75برس مکمل ہونے کی خوشی میں خصوصی لوگو جاری کیا ہے جس کے حوالے سے سوشل میڈیا پر یہ دعویٰ کیا جارہا ہے کہ یہ بھارت کے لوگو کی کاپی ہے۔
گزشتہ روز حکومت نے پاکستان کے قیام کو 75 برس مکمل ہونے کی ڈائمنڈ جوبلی کی خوشی پر ’عزم عالی شان، شاد رہے پاکستان‘ کے عنوان سے خصوصی ’لوگو‘ جاری کیا۔
قیام پاکستان کے 75 سال مکمل ہونے کی ڈائمنڈ جوبلی کی خوشیوں اور مبارک موقع پر "عزم عالی شان، شاد رہے پاکستان" کے عنوان سے خصوصی 'لوگو' جاری کردیا ہے۔ یہ پاکستان سے محبت اور اس عزم کی تجدید ہے کہ ہمارے بہادر اور عظیم بزرگوں اور شہداء نے جس عزم سے پاکستان بنایا تھا pic.twitter.com/ud1WkSpfcq
— Marriyum Aurangzeb (@Marriyum_A) June 29, 2022
وفاقی وزیر اطلاعات مریم اورنگزیب نے ٹوئٹ کرتے ہوئے لکھا کہ’پاکستان کے 75 برس مکمل ہونے کے بعد لوگو شائع کرنا محض وطن سے محبت اور اس عزم کی تجدید ہے کہ ہمارے بہادر، عظیم بزرگوں اور شہداء نے کس عزم سے پاکستان بنایا تھا‘۔
اب سوشل میڈیا پر یہ دعویٰ کیا جارہا ہے کہ پاکستان کے نئے لوگو کا ڈیزائن بھارتی لوگو سے کاپی کیا گیا ہے۔
Pakistan officially launched its 75th Anny logo! Did anyone bother to do an image search before approving. Truly disappointing and embarrassing!#Pakistan75#Logo@pmln_org@PTIofficial@MoIB_Official@PakPMO@OfficialDGISPRpic.twitter.com/3jdyGirXip
— SimplyShahzadNawaz (@TheShahzadNawaz) June 30, 2022
اس حوالے سے سابق وزیراعظم عمران خان کے معاون خصوصی برائے کلچر آرٹس و متعلقہ ابلاغ شہزاد نواز نے ٹوئٹر پر بھارتی اور پاکستانی لوگو کی تصویر شیئر کی ہے۔
شہزاد نواز نے سوالیہ انداز میں کہا کہ کیا کسی نے منظوری دینے سے پہلے تصویر تلاش کرنے کی زحمت کی؟، یہ واقعی مایوس کُن اور شرمناک ہے۔
دوسری جانب اداکار و میزبان فیصل قریشی نے بھی اس پر شدید غصے اور شرمندگی کا اظہار کیا۔
https://twitter.com/faysalquraishi/status/1542402474736222208?ref_src=twsrc%5Etfw%7Ctwcamp%5Etweetembed%7Ctwterm%5E1542402474736222208%7Ctwgr%5E%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1105781
