انتخابات

خاتون پہلوانوں کا جنسی استحصال، بی جے پی نے ملزم کے بیٹے کو ٹکٹ دیدیا

مودی کی بی جے پی نے خاتون پہلوانوں کے ساتھ جنسی استحصال کے ملزم برج بھوشن شرن سنگھ کے بیٹے کرن بھوشن کو ٹکٹ دے کر اپنے لیے مزید مشکلات پیدا کرلیں۔

غیر ملکی ذرائع ابلاغ کے مطابق برج بھوشن کے بیٹے کو ٹکٹ دیے جانے پر اپنی شدید ناراضگی کا اظہار کرتے ہوئے خاتون پہلوانوں نے بی جے پی کے اس فیصلے پر سوال کھڑا کر دیا ہے۔

اولمپک فاتح خاتون پہلوان ساکشی مہاراج اور سنگیتا پھوگاٹ کے ساتھ ساتھ بجرنگ پونیا نے بھی قیصر گنج سے کرن بھوشن کو ٹکٹ دیے جانے کے بعد مودی حکومت پر شدید تنقید کی ہے۔

بجرنگ پونیا نے کہا کہ یہ ملک کے لیے بدقسمتی ہے جبکہ سنگیتا پھوگاٹ نے کہا کہ یہ سب دیکھ کر خاتون پہلوان کیا سوچ رہی ہوں گی۔

سوشل میڈیا پلیٹ فارم اپنے رد عمل میں سنگیتا پھوگاٹ نے کہا کہ خاموش ہوں۔ بس اس خبر کو دیکھے جا رہی ہوں۔ برج بھوشن کے بیٹے کو ٹکٹ دینے کی خبر پڑھ کر ملک کی خاتون کھلاڑی کیا سوچ رہی ہوں گی۔ ملک کی وہ خواتین کیا سوچ رہی ہوں گی جنھوں نے یہ سب (جنسی استحصال) برداشت کیا ہے۔ خواتین کے لیے ملک نہیں۔

خاتون پہلوان ساکشی ملک کا کہنا تھا کہ ملک کی بیٹیاں ہار گئیں، برج بھوشن جیت گیا۔ انھوں نے کہا کہ برج بھوشن شرن سنگھ کی گرفتاری تو دور کی بات ہے، ان کے بیٹے کو ٹکٹ دیا گیا ہے۔

انہوں نے کہا کہ مودی حکومت نے آج ان کے بیٹے کو ٹکٹ دے کر ملک کی کروڑوں بیٹیوں کے حوصلے چکنا چور کردیئے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button