دانتوں کی روزانہ صفائی اور ان کی دیکھ بھال کرنا لازمی عمل ہے جس کیلئے مختلف طریقے آزمائے جاتے ہیں جو کارآمد بھی ہیں، جن میں برش، مسواک اور انگلی کی مدد سے منجن کا استعمال بھی شامل ہے۔
لیکن اب اس دور جدید میں ایک جدید الیکٹرک ٹوتھ برش بھی متعارف کرایا گیا ہے جو بہت تیزی کے ساتھ مارکیٹ میں فروخت کیا جارہا ہے۔ یہ برش ایک بیٹری کی مدد سے ازخود چلتا ہے۔
اس کی ایک اچھی بات یہ ہے کہ یہ آلہ ان جگہوں پر بھی دانتوں کی سطحوں کی اعلیٰ معیار کی صفائی کرنے کے قابل ہے جہاں روایتی برش نہیں پہنچ سکتا، اس لیے الیکٹرک برش سے دانت صاف کرنا پیشہ ورانہ دانتوں کی صفائی کے قابل عمل قرار دیا گیا ہے۔
عام ٹوتھ برش کا موزانہ اگر الیکٹرک ٹوتھ برش سے کیا جائے تو آپ الیکٹرک ٹوتھ برش کے فوائد جان کے حیران رہ جائیں گے کیونکہ یہ دانتوں کی صفائی کے ساتھ منہ کی صحت کو بہتر بنانے میں معاون ثابت ہوتا ہے۔
یہاں پر الیکٹرک ٹوتھ برش کے استعمال کے چند حیران کن فوائد پیش کیے جارہے ہیں تاکہ آپ بھی ضرور اسے استعمال کریں۔
الیکٹرک ٹوتھ برش میں ارتعاش پیدا کرنے کی صلاحیت دانتوں پر جمے پلاک کو بہتر انداز میں صاف کرتی ہے کیونکہ یہ منہ کے ان جگہوں کی صفائی کرتا ہے جہاں عام برش نہیں پہنچ پاتا۔
ایک الیکٹرک ٹوتھ برش نہ صرف آپ کے دانتوں کے لیے اچھا ہے بلکہ یہ آپ کے مسوڑھوں کے لیے بھی بہترین ہے کیونکہ یہ دانت صاف کرنے کے دوران آپ کے مسوڑھوں ک ہر طرح کے نقصان سے بچاتا ہے۔
ایک الیکٹرک ٹوتھ برش میں ٹائم سیٹ کرنے کا آپشن موجود ہوتا ہے اس طرح آپ دانتوں کی صفائی کے لیے مقرر کیے جانے والے مخصوص وقت کو سیٹ کر کے دانتوں کی بہتر صفائی حاصل کر سکتے ہیں۔
ایک الیکٹرک ٹوتھ برش میں کئی طرح کی خصوصیات ہوتی ہیں جیسے ٹائمر، وائبریشن یعنی ارتعاش، برش کے ریشوں کی گھومنے کی صلاحیت اور پریشر دینے والے سینسر یہ سب مل کر دانتوں کی مکمل صفائی کو یقینی بناتے ہیں ساتھ ہی یہ دانتوں میں کیویٹیز بننے اور مسوڑھوں کو بیماری سے تحفظ فراہم کرتے ہیں۔
الیکٹرک ٹوتھ برش استعمال میں عام برش کی نسبت زیادہ آسان ہوتا ہے جسے ہر عمر کے افراد باآسانی استعمال کرسکتے ہیں۔
