گھریلو جھگڑے کے دوران شوہر نے غصے میں آکر اپنی بیوی اور سالہ سالیوں سمیت چار افراد کو موت کے گھاٹ اتار دیا۔
تفصیلات کے مطابق ایبٹ آباد کے علاقے لڑی بنوٹہ میں گھریلو جھگڑے کے دوران شوہر نے اندھا دھند فائرنگ کرکے اپنی بیوی سمیت چار افراد کی جان لے لی۔
پولیس حکام نے بتایا کہ گولیاں لگنے سے ملزم کی بیوی کے ساتھ اس کی دو سالیاں اور ایک سالہ موقع پر دم توڑ گئے جبکہ ایک شخص زخمی ہوا ہے، جسے طبی امداد کیلئے اسپتال روانہ کردیا گیا۔
پولیس حکام کے مطابق ملزم فائرنگ کے بعد موقع سے فرار ہوگیا، پولیس نے مقدمہ درج کر کے اس کی تلاش شروع کردی ہے۔ پولیس کے مطابق لاشوں کو بے نظیر شہید اسپتال منتقل کردیا گیا ہے
