امریکی صدر جو بائیڈن نے کہا ہے کہ تائیوان کے گرد چین کی سرگرمیاں قابل تشویش ہیں۔
امریکی صدر نے کہا کہ امریکی سپیکر نینسی پلوسی کے دورہ تائیوان کے بعد سے چین کے اقدامات پر تشویش ہے۔ چین کی بڑھتی ہوئی سرگرمیوں پر فکرمند ہوں۔
اس سے قبل تائیوان نے بھی چینی فیصلے کی مذمت کی تھی ۔ تائیوان کی وزارت خارجہ کا کہنا ہے کہ تائیوان کے اطراف چینی فوجی مشقوں میں توسیع قابل مذمت ہے۔
وزارت خارجہ کا کہنا ہے کہ چین جان بوجھ کر بحرن پیدا کرکے اشتعال انگیزی بڑھا رہا ہے۔
تائیوانی وزارت خارجہ نے کہا کہ چینی حکومت فوری طور پر فوجی دھمکیوں کو روکے۔ ان دھمکیوں سے تائیوان نہ خوفزدہ ہوگا نہ پیچھے ہٹے گا۔
