ہیوسٹن میں پاک امریکا تعلقات پر سیمینار میں بات چیت کرتے ہوئے انہوں نے کہا کہ پاکستان کے ساتھ قابل قدر شراکت کی راہ میں پروپیگنڈے، غلط معلومات کو رکاوٹ نہیں بننے دیتے۔
الزبتھ ہارسٹ کا کہنا تھا کہ 75 برسوں میں پاک امریکا تعلقات دنیا اور خطے کیلئے نتیجہ خیز رہے، کئی برسوں تک پاک امریکا تعلقات کو علاقائی عینک سے دیکھا گیا، چاہے وہ افغانستان ہو، چین یا ہندوستان، پاک، امریکی تعلقات اپنے طور پر قائم ہیں۔
اسسٹنٹ سیکرٹری ڈونلڈ لو کے خلاف الزامات کو جھوٹا قرار دیتے ہوئے الزبتھ ہارسٹ نے واضح کیا کہ ہم کسی ایک سیاسی امیدوار یا پارٹی پر کسی قسم کی پوزیشن نہیں رکھتے، ہم جمہوری اصولوں، آزادی اظہار اور قانون کی حکمرانی کی حمایت کرتے ہیں۔
ان کا کہنا تھا کہ اپنی تاریخ کا نیا باب لکھ رہے ہیں، توجہ عوام، سرمایہ کاری، معیشت اور خوشحالی پر ہے، ہم پاکستانی عوام کی منتخب کردہ کسی بھی حکومت کے ساتھ کام کیلئے تیار ہیں۔
