گزشتہ روز سعودی سپریم کورٹ نے تصدیق کی کہ بروزمنگل ذوالحج کا مہینہ مکمل ہوگیا، بدھ کو 19 جولائی یکم محرم الحرام 1445 ہے۔
نئے اسلامی سال کے آغاز پر خانہ کعبہ کے غلاف کی تبدیلی کا عمل شروع کیا گیا۔
عرب میڈیا کے مطابق غلاف کعبہ کی تبدیلی نماز عشاء کے بعد شروع کی گئی، غلاف کعبہ کی تبدیلی کا عمل 3 سے 4 گھنٹوں میں مکمل ہوا۔
رپورٹس کے مطابق غلاف کعبہ کی تیاری پر 2 کروڑ سعودی ریال سے زیادہ لاگت آئی ہے، غلاف کعبہ سلک، سونے اور چاندی کے تار سے سلائی اور کڑھائی سے تیار کیا گیا ہے۔
پہلے مرحلے میں پرانے غلاف کعبہ کو چاروں جانب سے انتہائی فنی مہارت کے ساتھ اتارا گیا، اس دوران کعبتہ اللہ کے چاروں جانب حفاظتی بیریئر لگائے گئے جبکہ الیکٹرانک لفٹرز غلاف کو اوپر چھتوں تک پہنچانے کیلئے استعمال کیے گئے۔
