کویت کے وزیراعظم شیخ احمد نواف الاحمد الصباح نے سویڈش زبان میں قرآن کریم کے ترجمے والے ایک لاکھ نسخوں کی اشاعت کا اعلان کردیا ہے۔
غیرملکی میڈیا کی رپورٹس کے مطابق کویتی وزیراعظم نے متعلقہ اتھارٹی کو نسخوں کی اشاعت کی ہدایت جاری کر دی ہے۔ یہ فیصلہ اسلام کی رواداری اور تمام لوگوں کے درمیان اسلامی اقدار اور بقائے باہمی کو پھیلانے کے مقصد کے تحت کیا گیا ہے۔
واضح رہے کہ 28 جون کو سویڈن میں ایک گستاخ نے قرآن کریم کے نسخے کی بے حرمتی کی تھی۔ جس پر دنیا بھر کے مسلمانوں میں شدید غم و غصہ پھیل گیا تھا۔
