لاہور میں تیز بارش کے بعد شاہراہوں کی صورت حال کا جائزہ لینے کے لیے سابق فاسٹ باؤلر اور پنجاب کے نگران وزیر کھیل وہاب ریاض نے متاثرہ علاقوں کا دورہ کیا، اس دوران سوشل میڈیا پر ان کی ایک ویڈیو وائرل ہورہی ہے جس پر صارفین انہیں تنقید کا نشانہ بنا رہے ہیں۔
ایک روز قبل لاہور میں ریکارڈ موسلادھار بارش کے نتیجے میں مختلف حادثات میں 7 افراد جاں بحق ہوگئے تھے جبکہ شہر میں سیلابی صورت حال پیدا ہونے سے انفرااسٹرکچر کو شدید نقصان پہنچا ہے، مسلسل بارش سے 30 سالہ پرانا ریکارڈ بھی ٹوٹ گیا۔
شہر کی مختلف سڑکوں پر کئی کئی فٹ پانی جمع رہا، نظام زندگی درہم برہم ہوگیا اور ٹریفک کا نظام بھی شدید متاثر ہوا، شہر میں 10 گھنٹوں کے دوران 290 ملی میٹر سے زیادہ بارش ہوئی۔
اسی دوران پنجاب کے نگران وزیر کھیل وہاب ریاض شہر کی صورتحال کا جائزہ لینے کے لیے مختلف علاقوں کا دورہ کیا۔
سوشل میڈیا پر وائرل ایک ویڈیو میں دیکھا جاسکتا ہے کہ سڑک پر بارش کے جمع پانی میں وہاب ریاض تیز رفتاری میں گاڑی چلا رہے ہیں اور پانی کے چھینٹے دوسری گاڑیوں اور موٹرسائیکل سواروں پر لگ رہے ہیں۔
ویڈیو میں دیکھا جاسکتا ہے کہ اس دوران موٹر سائیکل پر سوار خاتون بھی پانی سے شرابور ہوگئیں ہیں۔
وہاب ریاض کے دورے کی ایک اور ویڈیو سوشل میڈیا پر وائرل ہورہی جس میں سڑک پر پانی سے بند ہونے گاڑی کو دھکا لگا رہے ہیں اور کہیں وہ سفید ربڑ کے لمبے جوتے پہن کر پانی کے درمیان کھڑے ہیں۔
ویڈیو سوشل میڈیا پر وائرل ہونے کے بعد صارفین نے انہیں شدید تنقید کا نشانہ بنایا۔
ریاض زیدی نے لکھا کہ ’جب انسان کو عہدہ مل جائے اور وہ عقل سے پیدل ہو تو ایسا ہی کرتا ہے۔‘
جب انسان کو عہدہ مل جائے اور وہ عقل سے پیدل ہو ،، تو ایسا ہی کرتا ہے۔
— Raza Zaidi (@Razaazaidi) July 5, 2023
ثاقب علی نے لکھا کہ ’یہ ویڈیو دیکھ کر بہت دکھ ہوا، موٹرسائیکل سوار اور چھوٹی گاڑی کے مسافروں پر تیز رفتار لینڈ کروزر کی وجہ سے اٹھنے والے گندے پانی کے چھینٹے لگ لگ رہے ہیں، یہ عمل اچھا نہیں ہے، انہیں معافی مانگنی چاہیے‘۔
Very sad to see this video of @WahabViki when bike riders and small car travelers affected by dirty water raised due to his giant land cruiser. Such Kind of act is not fair. He should pardon for it.#WahabRiazShower #WahabRiaz #PardonWahabRiaz pic.twitter.com/QSIV1FngFv
— Saqib Ali (@SaqibAliHaidri) July 5, 2023
مغیز علی نے وہاب ریاض کی ویڈیو شئیر کرتے ہوئے طنزیہ انداز میں لکھا کہ ’وہاب ریاض لمبے بوٹ پہن کر بارش کا پانی چیک کررہے ہیں‘۔
وہاب ریاض لمبے بوٹ پہن کر بارش کا پانی چیک کررہے ہیں۔۔!!! pic.twitter.com/igD70b37PE
— Mughees Ali (@mugheesali81) July 5, 2023
ایاز رحمٰن نے لکھا کہ چاچا افتخار کے 6 چھکوں کے بعد وہاب ریاض کرکٹ کو خیر باد کہہ کر سیاست میں آگئے اور خادم پنجاب بن گئے اور لوگوں کی مدد کرنے کی بجائے ان کی مشکلات میں مزید اضافہ کردیا۔
چاچا افتخار کے چھے چھکوں کے بعد وہاب ریاض کرکٹ کو خیر باد کہ کر سیاست میں آگئی اور خادم پنجاب بن گئیں اور لوگوں کی مدد کرنے کی بجائیں انکی مشکلوں میں مزید اضافہ کیا۔ بے شرم #PTIProtestOnFriday#عوام_نہیں_مان_رہی #پی_ٹی_آئی_جھنڈا_لگاؤ_مہم#WahabRiaz pic.twitter.com/oAFAMplOvg
— Ayaz Rehman (@Ayaz_Rehman_AR7) July 5, 2023
