لاہور میں بارش کے بعد نہر کے پانی کے ساتھ مچھلیاں بھی سڑکوں پر آگئیں، کلمہ چوک انڈر پاس میں مچھلیوں کی ویڈیو سوشل میڈیا پر وائرل ہوگئی۔ لاہور میں ہونے والی موسلادھار بارشوں سے 30 سالہ ریکارڈ ٹوٹ گیا، شہر کی سڑکیں تالاب بن گئیں اور بجلی کا نظام درہم برہم ہوگیا۔
شہر میں موسلادھار بارشوں کے باعث مختلف حادثات کے نتیجے میں بچے اور خاتون سمیت 7 افراد جاں بحق ہوچکے ہیں۔
بارش کے بعد سڑکیں اور شاہراہیں تالاب کا منظر پیش کر ہی ہیں، ادھر بارش کا پانی اسپتالوں، دفاتر اور گھروں میں بھی داخل ہوگیا ہے۔
سرکاری اعداد و شمار کے مطابق لاہور کے لکشمی شوک پر 291، نشتر ٹاؤن میں 277، قرطبہ چوک میں 270، گلشن راوی میں 268 اور جوہر ٹاؤن میں 260 ملی میٹر بارش ریکارڈ کی گئی۔
مال روڈ، کینال بینک روڈ، کوینز روڈ، موہنی روڈ، گڑھی شاہو، ڈیوس روڈ، اسلام پورہ اور سمن آباد سمیت کئی شاہراہوں پر پانی جمع ہوگیا۔
لاہور کے کینال روڈ پر نہر کا پانی سڑکوں پر آگیا، نہر کے پانی کے ساتھ مچھلیاں بھی سڑکوں پر آگئیں۔
کلمہ چوک انڈر پاس میں ننھی مچھلیوں کی ویڈیو سوشل میڈیا پر وائرل ہوگئی ہے۔
بارشوں کا 30 سالہ ریکارڈ ٹوٹنے کے بعد شہری کشتیاں نکالنے پر مجبور ہوگئے۔
شہر میں موسلادھار بارشوں کے باعث مختلف حادثات کے نتیجے میں بچے اور خاتون سمیت 7 افراد جاں بحق ہوچکے ہیں۔
بارش کے بعد سڑکیں اور شاہراہیں تالاب کا منظر پیش کر ہی ہیں، ادھر بارش کا پانی اسپتالوں، دفاتر اور گھروں میں بھی داخل ہوگیا ہے۔
سرکاری اعداد و شمار کے مطابق لاہور کے لکشمی شوک پر 291، نشتر ٹاؤن میں 277، قرطبہ چوک میں 270، گلشن راوی میں 268 اور جوہر ٹاؤن میں 260 ملی میٹر بارش ریکارڈ کی گئی۔
