وزیراعظم شہباز شریف نے الیکشن فنڈز سے متعلق ان چیمبر سماعت سے قبل اٹارنی جنرل کو مشاورت کیلئے طلب کر لیا۔
وزیراعظم کی جانب سے طلب کئے جانے پر اٹارنی جنرل سپریم کورٹ سے فوری طور پر وزیرعظم آفس کے لئے روانہ ہوگئے۔
اس موقع پر میڈیا سے غیر رسمی گفتگو میں اٹارنی جنرل منصور عثمان نے کہا کہ پارلیمنٹ نے حکومت کو فنڈز جاری کرنے سے روک دیا ہے، اب وفاقی حکومت کے پاس الیکشن کیلئے فنڈز جاری کرنے کا کوئی اختیار نہیں۔
اٹارنی جنرل کا کہنا ہے کہ آج حکومتی مؤقف ان چیمبر سماعت کے دوران پیش کریں گے۔
واضح رہے کہ پنجاب میں انتخابات کیلئے فنڈز کے اجرا کے معاملے پر ان چیمبر سماعت آج ہوگی جس میں چیف جسٹس سمیت بنچ کے تین ارکان شریک ہوں گے۔
