خون سفید ہو گئے ، باپ نے لیڈر کو ایسا کیا کہا کہ ناراض بیٹی ایک سال سے گھر نہیں لوٹی۔ تحریکِ انصاف پاکستان کی سوشل میڈیا انفلواینسر صنم جاوید کے والد صحافی رانا بلال نے بیٹی کی ناراضی کی وجہ بتا دی۔ والد صنم جاوید کا کہنا تھاکہ بیٹی مجھ سے ایک سال سے اس بات پر ناراض ہے اور میرے گھر بھی نہیں آتی کہ آپ نے میرے لیڈر کو برا کہا۔
انہوں نے کہا کہ میرے نظریات ہیں کہ ملک میں بائیں بازو کی سیاست ہونی چاہیے، انتہاپسندی کی سیاست نہیں ہونی چاہیے۔ انہوں نے کہا کہ عمران خان ایک شاطر آدمی ہیں اور انکا عوامی فلاح سے کچھ لینا دینا نہیں۔
خیال رہے کہ پی ٹی آئی کی کارکن صنم جاوید 9 مئی کے جلاؤ گھیراؤ کیس میں جیل میں قید ہیں۔
