عالمی شہرت یافتہ کامیڈین مسٹر بین 40 سال بعد اسٹیج پر واپسی کیلئے تیار

مسٹر بین کے نام سے مشہور عالمی شہرت یافتہ کامیڈین روون اٹکنسن 40 سال بعد اسٹیج پر جلوہ گر ہوں گے۔

کامیڈی کریکٹر مسٹر بین کے لقب سے مشہور اداکار روون اٹکنسن 40 سالوں بعد اپنے پہلے ‘ویسٹ اینڈ’ کامیڈی اسکیچ شو میں مرکزی کردار ادا کریں گے۔

اس اسکیچ شو کا انعقاد اگلے سال لندن کی ‘گلیان لین تھیٹر’ ہوگا، روون اٹکنسن ایک ایسے شو کے ساتھ اسٹیج پر جلوہ گر ہوں گے جس میں نئے مواد کے ساتھ ساتھ ان کے انتہائی مشہور مزاحیہ خاکے اور کردار بھی شامل ہوں گے۔

اداکار اس شو کے لیے ’بلیک ایڈر‘ (Blackadder) کے شریک مصنفین رچرڈ کرٹس اور بین ایلٹن اور موسیقار ہاورڈ گوڈال کے ساتھ ایک بار پھر اشتراک کریں گے۔