گلگت ( عبدالرحمان بخاری سے) لاہور سے تعلق رکھنے والے 20 سالہ نوجوان کوہ پیما شیروز کاشف اور فضل علی ننگا پربت کیمپ ٹو پہنچ گئے ہیں ۔
ڈپٹی کمشنر دیامر فیاض احمد نے جہان پاکستان کو بتایا کہ شیروز کاشف اور فضل علی 8126 میٹر بلند ننگا پربت کی چوٹی پر قومی پرچم لہرا کر واپس آتے ھوئے پھنس گئے تھے اور ان سے مواصلاتی رابطہ منقطع ھوگیا تھا جس کے بعد گزشتہ روز دونوں کوہ پیما کیمپ تھری پہنچے تھے
جہاں سے آج وہ کیمپ ٹو پہنچ گئے ہیں اور دونوں کوہ پیما خیریت سے ہیں ڈپٹی کمشنر کے مطابق کیمپ ٹو میں غیر ملکی کوہ پیماؤں کی ٹیم موجود ہے جن کے پاس مواصلاتی آلات ہیں جن کی مدد سے جلد شیروز کاشف اور فضل سے رابطہ کرلیا جائے گا ۔
یاد رہے کہ لاہور سے تعلق رکھنے والے شیروز کاشف نے ابتک 8 ھزار میٹر سے بلند دنیا کی 8 چوٹیوں کو سر کرنے والے کم عمر ترین کوہ پیما ہیں
