شکارپور سے کوئٹہ آنے والی 18 انچ کی گیس پائپ لائن مچ کے قریب تباہ ہو گئی۔
گیس پائپ لائن کے متاثر ہونے کے بعد بلوچستان کے شہر کوئٹہ، مستونگ، پشین اور زیارت کے لیے گیس کی سپلائی بند ہو گئی ہے۔
سوئی سدرن گیس کمپنی کے مطابق پائپ لائن کی مرمت تک کوئٹہ کو صرف کھانے کے اوقات میں ہی گیس فراہم کی جائے گی۔
تاہم اس کی تصدیق کی جا رہی ہے کہ گیس پائپ لائن متاثر ہونے کے پیچھے تکنیکی مسئلہ ہے یا پھر یہ نقصان کسی تخریب کاری کے نتیجے میں ہوا ہے ۔
