میانوالی میں الیکٹرک بسیں چلانے کیلئے تمام تیاریاں مکمل کر لی گئی ہیں ۔
پہلے مرحلہ میں 15 الیکٹرک بسیںں میانوالی پہنچا دی گئیں ہیں ۔
وزیر اعلیٰ پنجاب مریم نواز شریف کے صوبے کے تمام اضلاع میں جدید ترین ٹرانسپورٹ فراہم کرنے کے ویژن کے تحت عملی اقدامات کیے جارہے ہیں۔
اس سلسلے میں میانوالی میں بھی الیکٹرک بسیں چلانے کیلئے تمام تیاریاں مکمل کرتے ہوئے پہلے مرحلہ میں 15 الیکٹرک بسیںں شہر میں پہنچا دی گئیں ۔ میانوالی میں 15 ستمبر کو الیکٹرک بس سروس کا باقاعدہ افتتاح کیا جائیگا۔ وزیر ٹرانسپورٹ اینڈ ماس ٹرانزٹ بلال اکبر خان کا کہنا ہے کہ میانوالی کے عوام کو چند دن بعد جدید الیکٹرک بسوں کا تحفہ دینے جا رہے ہیں۔ لاہور کے بعد اب پنجاب کے تمام اضلاع میں الیکٹرک بسیں چلیں گی۔
وزیر اعلیٰ مریم نواز شریف نے جدید ترین ٹرانسپورٹ فراہم کرنے کا ایک اور وعدہ پورا کر دیا۔ ان کا مزید کہنا تھا کہ میانوالی کے بعد وزیر آباد اور پھر مرحلہ وار تمام اضلاع میں بس سروس کا افتتاح کیا جارہا ہے۔
الیکٹرک بسیں تمام متعلقہ اضلاع میں پہنچائی جا رہی ہیں۔ لاہور سے 27 الیکٹرک بسوں سے شروع ہونے والا منصوبہ ہر جگہ اپنی کامیابی کے جھنڈے گاڑے گا۔
1100 الیکٹرک بسوں سے لاکھوں لوگوں کو جدید، سستی اور بہترین سفری سہولیات حاصل ہوں گی۔
