بونیر میں حالیہ کلاوڈ برسٹ اور سیلاب کی وجہ سے شدید تباہی پھیل گئی ہے، جس کے نتیجے میں اب تک 220 سے زائد افراد جاں بحق ہو چکے ہیں۔
ملبے تلے دبی لاشوں کو نکالنے کے لیے ریسکیو آپریشن جاری ہے۔ اس دوران سیلاب زدگان کی مدد کرنے والے طلباء کو ایک گھر سے سونے کے زیورات ملے ہیں، جس کی ویڈیو سوشل میڈیا پر وائرل ہو چکی ہے۔
تفصیلات کے مطابق سوشل میڈیا پر وائرل ہونے والی ویڈیو میں دیکھا جا سکتا ہے کہ دینی مدارس کے طلباء ایک گھر میں سیلاب زدگان کی مدد کر رہے ہیں۔ اس دوران انہیں ایک گھر سے ایک ڈبی میں رکھے گئے سونے کے زیورات ملے، جن کی مالیت ممکنہ طور پر 10 لاکھ سے زائد ہے۔ طلباء نے مقام بتاتے ہوئے ویڈیو جاری کی تاکہ زیورات کا اصل مالک انہیں واپس حاصل کر سکے۔
