ڈکی بھائی کا ” ڈریم ہاؤس ” پراپرٹی ڈیلر نے سارا بھانڈا پھوڑ کر رکھ دیا

معروف یوٹیوبر ڈکی بھائی کا 10 کروڑ کا بنگلہ کرایے کا نکلا ، پراپرٹی ڈیلر ارمغان نے سارا بھانڈا پھوڑ کر رکھ دیا ۔

سعد عرف ڈکی بھائی نے میں اپنے ایک وی لاگ میں دعویٰ کیا تھا کہ انہوں نے ڈیفنس فیز 7 لاہور میں 10 کروڑ روپے کا شاندار بنگلہ خرید لیا ہے۔

تاہم پراپرٹی ڈیلر ارمغان رانا نے انکشاف کیا ہے کہ یہ مکان خریدا نہیں بلکہ کرائے پر لیا گیا ہے۔

انہوں نے کرائے کے حوالے سے تفصیلات بتاتے ہوئے کہا کہ ڈکی بھائی نے یہ مکان ہم سے کرائے پر لیا، 11 ماہ کا کرایہ نامہ موجود ہے جس میں واضح طور پر درج ہے کہ یہ مکان ماہانہ 4 لاکھ 50 ہزار روپے کرائے پر لیا گیا ہے۔

ڈیلر ارمغان کا کہنا تھا کہ انہوں نے اپنے ناظرین کو دھوکہ دیا، یہ نوجوان نسل کو گمراہ کر رہے ہیں ۔

انہون نے انکشاف کیا ہے کہ ڈکی بھائی کے قریبی لوگ دباؤ ڈال رہے ہیں کہ وہ اپنی وضاحتی ویڈیو ڈیلیٹ کریں، ان کی اہلیہ نے بھی رو کر درخواست کی کہ ویڈیو ہٹا دیں، مگر میں نے یہ سب محض آگاہی کے لیے کیا تاکہ بچوں کو حقیقت معلوم ہو سکے۔