لبنان پر اسرائیلی حملوں میں ہلاکتیں بڑھ کر 182 ہو گئیں، 700 سے زیادہ زخمی

لبنان کی وزارتِ صحت کا کہنا ہے کہ پیر کو ہونے والے اسرائیلی حملوں میں مرنے والوں کی تعداد 182 تک پہنچ گئی ہے جبکہ 727 لوگ زخمی ہیں۔

وزارتِ صحت کے مطابق جنوبی لبنان پر ہونے والے حملوں میں مرنے اور زخمی ہونے والوں میں بچے، عورتیں اور طبی عملے کے ارکان بھی شامل ہیں۔

لبنان کے وزیراعظم نے اپنے ملک پر اسرائیل کے حملوں کو ایسا ’تباہ کن منصوبہ‘ قرار دیا ہے جس کا مقصد لبنانی دیہات اور قصبوں کو تباہ کرنا ہے۔

پیر کو لبنان کی کابینہ کے اجلاس کے دوران نجیب میقاتی نے کہا کہ اسرائیل کے اقدامات ’ہر لحاظ سے صفحۂ ہستی سے مٹا دینے والی جنگ‘ جیسے ہیں۔