کشمور: ڈاکوؤں کا گھر پر راکٹ حملہ، 3 افراد جاں بحق، 4 زخمی

کشمور کے علاقے گیل پور میں ڈاکوؤں نے گھر پرراکٹ حملہ کیا ہے، جس کے نتیجے میں 3 افراد جاں بحق، 4 زخمی ہوگئے۔

پولیس ذرائع کا اس حوالے سے کہنا ہے کہ راکٹ حملے میں 3 افراد جاں بحق، 4 زخمی ہوئے ہیں، زخمیوں کو لاڑکانہ اسپتال منتقل کر دیا گیا ہے جبکہ 2 افراد کی حالت تشویشناک ہے۔

اس سے قبل گوادر سربند میں فش ہاربرجیٹی کے قریب رہائشی کوارٹرز پر دہشت گردوں نے حملہ کر کے 7 افراد کو موت کی نیند سلادیا۔

اے آر وائی نیوز کے مطابق ایس ایچ او تھانا گوادر محسن علی نے بتایا کہ کوارٹرز میں سوئے 7 افراد کو دہشتگردوں نے بے رحمی سے قتل کردیا ہے۔

محسن علی کے مطابق جاں بحق اور زخمی افراد سربندر میں حجام کی دکان میں کام کرتے تھے، لاشیں اور ایک زخمی کو اسپتال منتقل کر دیا گیا ہے، جاں بحق افراد اور زخمی شخص کا تعلق خانیوال سے ہے۔