سپریم کورٹ کے حکم پر عام انتخابات کی تاریخ پر صدر مملکت ڈاکٹر عارف علوی سے مشاورت کیلئے چیف الیکشن کمشنر اور اٹارنی جنرل ایوان صدر پہنچ گئے ۔
تفصیلات کے مطابق چیف الیکشن کمیشنر سے قبل وفد ایوان صدر پہنچا اور ملاقات کا وقت طے پایا اس کے بعد چیف الیکشن کمشنر بھی ملاقات کیلئے پہنچے ،
اس سے قبل اٹارنی جنرل کی بھی صدر مملکت سے ون آن ون ملاقات ہوئی ، ملاقات میں سپریم کورٹ سماعت کے حوالے سے مشاورت ہوئی،
صدر مملکت ڈاکٹر عارف علوی سے ملاقات کرنے والے الیکشن کمیشن کے وفد میں سیکرٹری الیکشن کمیشن چاروں صوبائی ممبران اور ڈی جی لاء شامل ہیں۔
صدر مملکت ،چیف الیکشن کمشنر اور اٹارنی جنرل کی ملاقات پچھلے ایک گھنٹے سے جاری ہے ، ملاقات میں عام انتخابات کی تاریخ اور مختلف آپشنز پر غور جاری ،سپریم کورٹ کی سماعت اور آرڈر پر بھی قانونی تجاویز پر غور کای جا رہا ہے ،
الیکشن کی تیاریوں، حلقہ بندیوں اور الیکشن شیڈول سے متعلق امور پر بھی صدر مملکت کو بریفنگ دی گئی ۔
