لاہور( محمد اخلاق اسلم) پاکستان کرکٹ بورڈ منیجمنٹ کمیٹی کے چیئرمین ذکا اشرف کی پاکستانی کرکٹ ٹیم کو مبارک باد دی ہے ۔
پاکستان کی شاندار فتح پر ان کا کہنا تھا سری لنکا کے خلاف دونوں ٹیسٹ میچ اور سیریز جیتنے پر پاکستانی ٹیم کی جتنی تعریف کی جائے کم ہے۔
ٹیم نے ورلڈ ٹیسٹ چیمپئن شپ کا آغاز شاندار طریقے سے کیا ہے ۔ ذکا اشرف کا کہنا تھا کہ
سری لنکا کے خلاف ٹیم کی کامیابی کھلاڑیوں کی محنت اور ٹیم اسپرٹ کا منہ بولتا ثبوت ہے۔ کپتان بابراعظم اور پوری ٹیم مبارک باد کی مستحق ہے۔ انھوں نے اپنے پیغام میں کہا کہ یہ جیت ٹیم کو ایشیا کپ اور ورلڈ کپ کے لیے نیا ولولہ اور حوصلہ دے گی۔ پاکستانی کھلاڑیوں نے دونوں ٹیسٹ میچوں میں اپنی بہترین صلاحیتوں کا مظاہرہ کیا۔
