گورنر سندھ کامران ٹیسوری نے کہا ہے کہ ایم کیو ایم پاکستان کے لیے آنے والے تمام ماہ خوشخبری کے ہونگے، جو لوگ ایم کیو ایم میں آنا چاہتے ہیں آئیں، جیسے میں آیا۔
حیدر آباد میں میڈیا سے گفتگو کرتے ہوئے گورنر سندھ کامران ٹیسوری نے کہا کہ میرا فرض ہے کہ سیاسی جماعتوں میں ہم آہنگی پیدا کروں۔ میں اپنا کردار ادا کر رہا ہوں، ایم کیو ایم اور پی پی پی کے مذاکرات جاری ہیں۔
انہوں نے کہا کہ افواج پاکستان ہر موقع پر اہم کردار ادا کر رہی ہے، عوام اندازہ کرچکے کہ کون ملک کو معاشی بدحال کرنا چاہتا ہے۔ جو ملک بچانا چاہتے ہیں انہوں نے آج اپنا کردار ادا کیا، جن لوگوں نےمینڈیٹ دینے میں غلطی کی وہ جاگ گئے۔
گورنر سندھ کا کہنا تھا کہ ہر پاکستانی محب وطن ہے، ہم سیاسی لوگ ہیں۔
