دلچسپ و حیرت انگیز

رات 12 کے بعد کوئی نظر آیا تو۔ ۔ ۔ ۔ ۔ ۔ !! ایس ایچ او کا دبنگ اعلان

 تھانیدار نے راتوں کو بلاوجہ گھروں سے نکلنے والے نوجوانوں کو متنبہ کرتے ہوئے کہا ہے کہ اب اگر مجھے رات کو آوارہ گردی کرتے ہوئے کوئی نظر آیا تو شکایت نہ کرنا۔

تفصیلات کے مطابق پنجاب کے شہر چنیوٹ میں مقامی ایس ایچ او نے شہریوں کے گھروں سے نکلنے پر مشروط پابندی عائد کردی۔

اس حوالے سے ایس ایچ او سٹی اظہر عباس نے شہر بھر کی گلی کوچوں میں لاؤڈ اسپیکر سے اعلان کیا کہ آدھی رات کو بغیر وجہ گھر سے نکلنا شریف لوگوں کا کام نہیں، شہری بغیر کسی ٹھوس وجہ کے گھروں سے باہر نہ نکلیں۔

انہوں نے کہا کہ آج سے رات 12 بجے کے بعد اگر کوئی شخص کسی چوک چوراہے پر بیٹھا پایا گیا تو مجھ سے شکایت نہ کرنا اور اگر کوئی پولیس اہلکار زیادتی کرتا ہے تو اس کیخلاف بھی میں خود کارروائی کروں گا۔

ایس ایچ او اظہر عباس نے اپنے احکامات پر سختی سے عمل درآمد کرانے کا عہد کرتے ہوئے کہا ہے کہ وہ ہر قیمت پر اس بات کو یقینی بنائیں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button