کوئی کسی پر انگلی نہ اٹھائے، ہار گئے تو ہار گئے۔ بابر اعظم
قومی کرکٹ کے کپتان بابراعظم نے کہا ہے سب کو دکھ ہے کہ ہم نے کہاں غلط کیا اور کہاں اچھا کرنا چاہیے تھا، ہم نے اس سے سیکھنا ہے، کوئی کسی پر انگلی نہ اٹھائے، ہار گئے تو ہار گئے۔
اس موقع پر لیجنڈ سپنر ثقلین مشتاق نے کہا کہ یہاں سیکھنے سے مراد ہے کہ تمہارے درمیان دوستی مزید بڑھے، ایک دوسرے کو سپورٹ کرو، سر اٹھا کے رکھو۔
یہ ویڈیو ٹوئیٹر پر بھی جاری کر دی گئی جس میں بابر اعظم نے اظہار خیال کیا.
Babar Azam, Saqlain Mushtaq and Matthew Hayden are proud of their side despite a five-wicket defeat in #T20WorldCup semi-final. pic.twitter.com/kAem5PrWjj
— Pakistan Cricket (@TheRealPCB) November 11, 2021
انہوں نے ڈریسنگ روم میں کھلاڑیوں سے گفتگو کرتے ہوئے کہا کہ آج کی ہار سے ہم نے سیکھنا ہے۔
بابراعظم نے کہا کہ ایک شکست کی وجہ سے کوئی نہ نکلے، کوشش ہمارے ہاتھ میں ہے، رزلٹ ہاتھ میں نہیں ہے، سب کو دکھ ہے لیکن تھوڑی دیر کا۔
انہوں نے کہا کوئی کسی کے بارے میں کوئی بات نہیں کرے گا۔ ہارنے کا سب کو دکھ ہے، سب کو پتہ ہے غلطی کہاں ہوئی۔ ہمارا یونٹ نہ ٹوٹے، بہت اچھا ماحول رہا، ایک دوسرے کو سپورٹ کریں۔