سینیٹر فیصل جاوید کا شعیب اختر کے ساتھ ٹی وی پرکئے جانیوالے نا روا سلوک پر اظہار ناراضگی
سینیٹر فیصل جاوید نے شعیب اختر کے ساتھ سرکاری ٹی وی پر کیئے جانے والے نا روا سلوک پر سخت ناراضگی کا اظہار کرتے ہوئے ٹویٹر پر پیغام جاری کر دیاہے ۔
سینئر صحافی حامد میر نے بھی سینیٹر فیصل جاوید کے ٹویٹ کو شیئر کرتے ہوئے ساتھ پیغام لکھا کہ ” اپنے ہیروز کا احترام کریں“۔
سینیٹر فیصل جاوید نے ٹویٹر پر پیغام جاری کرتے ہوئے کہا کہ یہ صرف ہمارے قومی ہیروز کی بات نہیں ہے بلکہ ہمارے وقار کی بات ہے اور یہ ہمارے سٹیٹ براڈکاسٹر کی بھی بات ہے ، بہت ہی غیر پیشہ وارنہ انداز میں اسے ہینڈل کیا گیا ، جب ہر کوئی پاکستان کی جیت کی تعریف اور ورلڈ کپ میں پاکستان کی کارکردگی کو بہترین قرار دے رہاہے تو ایسے وقت میں آپ یہ کیوں کریں گے ؟ اپنے ہیروز کا احترام کریں ۔
👏👍#StandWithShoaibAkhtarhttps://t.co/NBL36rr4PC
— Hamid Mir (@HamidMirPAK) October 27, 2021
یاد رہے کہ پی ٹی وی سپورٹس پر براہ راست نشر کیئے جانے والے پروگرام میں نعمان نیاز نے شعیب اختر کو پروگرام سے جانے کیلئے کہا جس پر وہ وہاں سے اٹھ کر چلے گئے اور پروگرام سے استعفیٰ بھی دیدیا ۔
–