سندھ میں جامشورو کے علاقے خانوٹ کے قریب غیر ملکی شہریوں کی گاڑی اور مزدا ٹرک میں تصادم ہوا ہے۔
ذرائع نے بتایا ہے کہ حادثے میں متحدہ عرب امارات سے تعلق رکھنے والے 2 غیر ملکی شہری اور ان کا پاکستانی ڈرائیور زخمی ہوا ہے۔زخمی ہونے والوں کے نام عبداللّٰہ گوتامی، سہیل سعید اور مبارک سلام معلوم ہوئے ہیں۔
پولیس نے بتایا ہے کہ زخمی عبداللّٰہ گوتامی اور مبارک سلام کو فوری طبی امداد کے لیے لیاقت یونیورسٹی ہسپتال جامشورو منتقل کر دیا گیا ہے۔زخمی سہیل سعید کی حالت تشویش ناک ہے جنہیں کراچی منتقل کیا جا رہا ہے۔
پولیس کا کہنا ہے کہ پولیس نے مزدا ٹرک کو اپنی تحویل میں لے کر واقعے کی تحقیقات شروع کر دی ہیں۔
