ایران کے نائب وزیرِ خارجہ کاظم غریب آبادی نے اسرائیلی وزیر کے اشتعال انگیز بیان پر ردِعمل دیتے ہوئے کہا ہے کہ ایتمار بن گویر نے غزہ میں قتلِ عام کے لیے یومیہ 30 سے 40 افراد کی حد مقرر کی۔
غیر ملکی خبر رساں ادارے کے مطابق کاظم غریب آبادی نے کہا ہے کہ صہیونی مجرم فلسطینیوں کی بے دخلی اور یہودی بستیوں کی تعمیر کی بات کر رہا ہے۔
انہوں نے کہا ہے کہ ان اسرائیلی اعترافات کو ثبوت کے طور پر محفوظ رکھنا چاہیے، یہ ثبوت اسرائیلی مجرموں کے احتساب اور مقدمے کے دن پیش کیے جا سکیں گے۔
واضح رہے کہ اسرائیلی وزیر ایتمار بن گویر نے غزہ میں ہر رات 30 سے 40 افراد کو مارنے کی بات کی تھی
