سابق وزیرِ داخلہ شیخ رشید احمد کا کہنا ہے کہ 6 ماہ میں حکومت کا الٹرا ساؤنڈ ہو گیا ہے، سیلاب اترے گا تو عمران خان اسلام آباد کی کال دیں گے۔
سیلاب نےPDMکی ساکھ راکھ بنادی،لوٹاممبران کی عوام شکل نہی دیکھناچاہتے،جن منی لانڈرزکواپنے لوگ چندہ دینے کو تیار نہی دوسرےملک کیسے دیں گے،لوگوں میں پٹرول لینےاور بجلی کا بل دینے کی سکت نہی آپ مزید اضافہ کرنے جارہے ہیں،ستمبر ستمگرہوگا،سیلاب اترے گاتوعمران خان اسلام آباد کی کال دےگا
— Sheikh Rashid Ahmed (@ShkhRasheed) September 4, 2022
، شیخ رشید احمد نے کہا ہے کہ حکومت نے آئی ایم ایف کے ساتھ 608 ارب کی وصولی کا مزید معاہدہ کیا ہے۔ پہلے قومی خزانے پر ڈاکا ڈالا گیا، اب غریبوں کی جیبوں پر ڈالا جا رہا ہے، سندھ میں سیلاب نے عوام کی آنکھیں کھول دیں۔
شیخ رشید نے کہا کہ سیلاب نے پی ڈی ایم کی ساکھ راکھ بنا دی ہے، لوٹا ممبران کی عوام شکل نہیں دیکھنا چاہتے۔ جن منی لانڈررز کو اپنے لوگ چندہ دینے کو تیار نہیں، دوسرے ملک کیسے دیں گے؟
عوامی مسلم لیگ کے سربراہ اور سابق وزیرِ داخلہ نے یہ بھی کہا کہ لوگوں میں اب پیٹرول خریدنے اور بجلی کا بل دینے کی سکت بھی نہیں رہی۔
