چیئرمین پی ٹی آئی عمران خان نے کل انسداد دہشتگردی کی عدالت میں پیش ہونے کا فیصلہ کر لیا ۔
سابق وزیراعظم عمران خان نے بنی گالہ میں اپنی قانونی ٹیم سے مشاورت کی ۔ عمران خان نے گزشتہ روز انسداد دہشتگردی کی عدالت میں پیش نہ ہونے کا فیصلہ کیا تھا۔
ذرائع کا کہنا ہےکہ اب عمران خان نے اپنی قانونی ٹیم سے مشاورت کے بعد کل ضمانت قبل از گرفتاری کے لیے انسداد دہشتگردی کی عدالت میں پیش ہونے کا فیصلہ کیا ہے۔
واضح رہےکہ خاتون جج کو دھمکانے پر عمران خان کے خلاف تھانہ مرگلہ میں انسداد دہشتگردی ایکٹ کے تحت مقدمہ درج ہے جس میں اسلام آباد ہائیکورٹ نے عمران خان کی تین روز کی راہداری ضمانت منظور کی تھی اور انہیں تین روز بعد متعلقہ عدالت میں پیش ہونے کا حکم دیا تھا۔
