بجلی کے صارفین کا بلوں سے فیول پرائس ایڈجسٹمنٹ ٹیکس نکالا جانے لگا۔
لاہور الیکٹرک سپلائی کمپنی (لیسکو) حکام نے وزیراعظم شہباز شریف کی ہدایت پر لوگوں کے بلوں سے فیول پرائس ایڈجسٹمنٹ ٹیکس نکال کر بل جاری کرنا شروع کردیے ہیں۔
لاہور سمیت ملک کے مختلف شہروں میں لوگوں نے بجلی کے زائد بلوں کے خلاف 2 روز سے احتجاج شروع کر رکھا تھا۔
وزیراعظم کی ہدایت کے بعد لیسکو کے دفاتر میں بل درست کرانے کے لئے آنے والوں کا رش لگ گیا، جس پر لیسکو حکام نے بل درست کرکے دینا شروع کر دیے۔
لیسکو حکام کا کہنا ہے کہ بلوں میں سے ٹیکس منہا کرنے کے حوالے سے ابھی نوٹیفکیشن جاری نہیں ہوا، وہ فی الحال فیول پرائس ایڈجسٹمنٹ کی رقم نکال کر بل دے رہے ہیں، جو لوگ بلز ادا کر چکے ہیں ان کے بلز میں سے یہ رقم آئندہ ماہ ازخود کم ہوجائے گی۔
