رائل سوئیڈش اکیڈمی آف سائنسز نے 2026 کے نوبیل انعام برائے کیمیا کا اعلان کردیا ہے۔
کیمسٹری کے شعبے میں 2026 کا نوبیل انعام 2 سائنسدانوں کو مشترکہ طور پر دینے کا اعلان کیا گیا۔
فرانس اور جاپان سے تعلق رکھنے والے سائنسدانوں نے دریافت کیا تھا کہ کیمیائی ردعمل کس طرح کسی مالیکیول کا معکوس عکس فراہم کرتا ہے۔
فرانس کی Paris-Sud یونیورسٹی سے تعلق رکھنے والے ہنری بی کاگان اور جاپان کی ٹوکیو یونیورسٹی آف سائنس سے تعلق رکھنے والے کینسو سوائی لو کو نامیاتی کیمسٹری کے ایک خاص عمل میں غیر معمولی اثرات اور خود بخود ہونے والے کیمیائی عمل کو دریافت کرنے پر یہ انعام دیا گیا ہے۔
دونوں سائنسدانوں کی یہ تحقیق ادویات کی تیاری و ترقی کے لیےاہم ہے۔
نوبیل کمیٹی کے مطابق دونوں سائنسدانوں میں ایک کروڑ 20 لاکھ سویڈش کرونا کا نقد انعام برابر تقسیم کیا جائے گا۔
خیال رہے کہ 2025 میں کیمسٹری کے شعبے میں نوبیل انعام آسٹریلیا کی میلبرن یونیورسٹی سے تعلق رکھنے والے رچرڈ رابنسن، جاپان کی کیوٹو یونیورسٹی سے تعلق رکھنے والے سوسومو کیٹاگاوا اور امریکا کی کیلیفورنیا یونیورسٹی سے تعلق رکھنے والے اردنی نژاد عمر یاگل کو دیا گیا تھا۔
ان تینوں سائنسدانوں کو یہ اعزاز میٹل آرگینک فریم ورک پر کیے جانے والے کام پر دیا گیا۔
اس سے قبل رواں سال 5 اکتوبر کو طب جبکہ 6 اکتوبر کو فزکس کے شعبے کے نوبیل انعامات کا اعلان کیا گیا تھا۔
اب 8 اکتوبر کو ادب کے نوبیل انعام کا اعلان کیا جائے گا۔
