وزیر اعظم شہباز شریف نے روس کے صدر ولادیمیر پیوٹن کی رہائش گاہ کو نشانہ بنائے جانے کی مذمت کی ہے۔
ایک بیان میں وزیر اعظم نے کہا کہ اس طرح کے گھناؤنے حملے امن اور استحکام کے لیے خطرہ ہیں، خاص طور پر ایسے وقت میں جب امن کے لیے کوششیں کی جا رہی ہیں۔
انہوں نے کہا کہ پاکستان روس کے صدر، حکومت اور عوام کے ساتھ یکجہتی کا اظہار کرتا ہے۔
وزیر اعظم کا یہ بھی کہنا تھا کہ ہم سلامتی اور امن کو خطرے میں ڈالنے والے تمام تشدد کے تمام طریقوں کو مسترد کرتے ہیں۔
واضح رہے کہ روس نے صدر ولادیمیر پیوٹن کی سرکاری رہائش گاہ پر یوکرینی حملے کا الزام عائد کیا ہے۔
ماسکو سے خبر ایجنسی کے مطابق روس نے الزام لگایا کہ یوکرین نے نووگورود ریجن میں واقع صدر پیوٹن کی رہائش گاہ پر حملہ کیا ہے۔
