لاہورٟ سپورٹس رپورٹرٞقومی کرکٹر آل روانڈرعماد وسیم اور انکی اہلیہ ثانیہ اشفاق کی راہیں جدا ہو گئیں، عماد وسیم نے سوشل میڈیا پر علیحدگی کا اعلان کر دیا ہے۔ ذاتی معاملات پر منفی بات کرنے والوں کے خلاف لیگل ایکشن لوں گا۔
عماد وسیم نے سوشل میڈیا پر سوشل میڈیا پر اپنے پیغام میں کہا ہے کہ کافی دیر سوچنے اور مسلسل اختلافات کے باعث میں نے اپنی اہلیہ سے راہیں جدا کر لی ہیں،بہت سے اختلافات گزشتہ سالوں سے حل نا ہو سکے،تمام لوگوں سے گزارش ہے کہ ہماری پرائیویسی کا خیال رکھا جائے، ہماری پرانی تصویریں استعمال نا کی جائیں۔
قومی کرکٹر نے یہ بھی کہا ہے کہ اب ثانیہ اشفاق کو میری اہلیہ نا کہا جائے۔ ذاتی معاملات پر منفی بات کرنے والوں کے خلاف لیگل ایکشن لوں گا۔ انہوں نے مزید کہا کہ میں اپنے بچوں کا باپ ہوں اور رہوں گا۔میں اپنے بچوں کی مکمل طور پر دیکھ بھال کروں گا۔ واضح رہے کہ عماد وسیم اور ثانیہ اشفاق اگست 2019 میں رشتہ ازدواج میں بندھے تھے،دونوں کے تین بچے ہیں۔ اس کےعلاوہ جولائی 2025 میں عماد وسیم کی مبینہ طور پر نائلہ نامی لڑکی کے ساتھ دوستی کی خبر سامنے آئی تھی
