اسلام آباد جوڈیشل کمپلیکس کچہری دھماکے میں استعمال ہونے والی خودکش جیکٹ تیار کرنے والا درزی گرفتار کرلیا گیا، پشاور میں تیار کی گئی۔
ذرائع کے مطابق، اسلام آباد جوڈیشل کمپلیکس میں دھماکے کے لیے استعمال ہونے والی خودکش جیکٹ پشاور میں تیار کی گئی تھی۔ یہ جیکٹ کچھ دن ایک ٹیلر کے پاس رکھی گئی تھی، جسے معلوم تھا کہ یہ خودکش جیکٹ ہے۔ انٹیلیجنس اداروں نے اس ٹیلر کو بھی گرفتار کر لیا ہے۔
مزید معلومات کے مطابق خودکش جیکٹ کو پشاور سے گڑکی بوری کے ذریعے اسلام آباد لایا گیا تھا۔ سہولتکار اور درزی کی گرفتاری کے بعد تحقیقات جاری ہیں اور ذرائع کا کہنا ہے کہ تفتیش کے دوران مزید اہم انکشافات سامنے آنے کا امکان ہے۔ مزید گرفتاریوں کا بھی امکان ظاہر کیا جا رہا ہے۔
