انٹرسروسز انٹیلی جنس (آئی ایس آئی) کے ڈائریکٹر جنرل (ڈی جی) لیفٹیننٹ جنرل محمد عاصم ملک کی مدتِ ملازمت میں توسیع کر دی گئی ہے، جس کے بعد وہ نومبر کے بعد بھی اپنی خدمات جاری رکھیں گے۔ ان کی موجودہ مدتِ ملازمت نومبر میں مکمل ہورہی تھی۔
، سیکیورٹی ذرائع کا کہنا ہے کہ لیفٹیننٹ جنرل عاصم ملک ڈی جی آئی ایس آئی کے ساتھ ساتھ نیشنل سیکیورٹی ایڈوائزر کے طور پر بھی اپنی ذمہ داریاں انجام دیتے رہیں گے۔ ذرائع کے مطابق، حکومت نے ان کی مدتِ ملازمت میں توسیع کا فیصلہ کرلیا ہے، تاہم باضابطہ اعلان یا نوٹی فکیشن تاحال جاری نہیں کیا گیا۔
رپورٹ میں مزید کہا گیا ہے کہ ستمبر 2024 میں لیفٹیننٹ جنرل ندیم انجم کی مدتِ ملازمت ختم ہونے کے بعد لیفٹیننٹ جنرل محمد عاصم ملک کو ڈی جی آئی ایس آئی تعینات کیا گیا تھا، اور وزیراعظم آفس نے ان کی تقرری کا اعلامیہ بھی جاری کیا تھا۔ اپریل 2025 میں حکومت نے انہیں نیشنل سیکیورٹی ایڈوائزر کی اضافی ذمہ داری بھی سونپی تھی۔
