وزیرِ دفاع خواجہ آصف نے ایک نجی ٹی وی چینل کے پروگرام میں قطر پر ہونے والے حالیہ اسرائیلی حملے پر تبصرہ کرتے ہوئے کہا کہ حماس کی قیادت امریکا کی مرضی سے قطر میں بیٹھی تھی، غلط فہمی نہیں ہونی چاہیے یہ سب کچھ امریکا کی مرضی کے ساتھ ہوا ہے۔
انہوں نے کہا کہ قطر میں اسرائیلی حملہ امریکا کی مرضی سے ہوا ہے ، مسلم ممالک کو نیٹو کے طرز پر اتحاد بنانا چاہیے ۔
مسلم دنیا کو سمجھنا چاہیے اور اپنے دوست نما دشمن میں تفریق کر لیں، بڑا واقعہ ہے کچھ وقت لگے گا لیکن کچھ نہ کچھ ہو گا۔
وزیرِ دفاع خواجہ آصف نے کہا کہ شام میں امریکا کی مرضی سے حکومت آئی ہے، اسرائیل اس پر بھی حملے سے باز نہیں آ رہا، امریکا اور مغرب میں جو رائے عامہ بن رہی ہے یہ اسرائیل کے لیے زیادہ خطرناک ہے۔
