ہزاروں بستیاں ، ہزاروں موضع جات ، فصلیں اور جانیں اجاڑنے کے بعد پنجاب بھر کے دریاؤں میں پانی کی صورتِ حال معمول پر آنے لگی ہے اور دریاؤں کا بہاؤ معمول کے مطابق ہونے لگا ہے ۔
ریلیف کمشنر پنجاب کے مطابق شدید سیلابی صورتِ حال سے چار ہزار سات سو دیہات اور پینتالیس لاکھ سے زائد افراد متاثر ہوئے، اب تک ایک سو چار افراد جاں بحق ہوچکے ہیں۔
منگل سے مون سون کے گیارہویں اسپیل کا الرٹ جاری کردیا گیا۔پنجاب کے بالائی علاقوں میں بارشوں کا امکان جبکہ ندی نالوں میں طغیانی کا خدشہ ہے ۔
