پنجاب کی دریائے راوی ستلج اور چناب میں سیلاب کے باعث ہونے والے نقصانات کی تفصیلات جاری

ریلیف کمشنر پنجاب نبیل جاوید نے بتایا کہ دریائے راوی ستلج اور چناب میں شدید سیلابی صورتحال کے باعث 43 سو سے زائد موضع جات متاثر ہوئے۔

مجموعی طور پر 42 لاکھ 1 ہزار لوگ متاثر ہوئے ، 21 لاکھ 63 ہزار لوگوں کو محفوظ مقامات پر منتقل کیا گیا ہے ۔ 417 ریلیف کیمپس قائم کیے گئے ہیں ۔

انہوں نے بتایا کہ سیلاب سے متاثر ہونے والے اضلاع میں 498 میڈیکل کیمپس بھی قائم کیے گئے ہیں، مویشیوں کو علاج معالجے کی سہولت فراہم کرنے کے لیے 431 ویٹرنری کیمپس قائم کیے گئے ہیں، متاثرہ اضلاع میں ریسکیو وہ ریلیف سرگرمیوں میں 15 لاکھ 79 ہزار جانوروں کو محفوظ مقامات پر منتقل کیے گئے ہیں ۔

منگلا ڈیم 89 فیصد جبکہ تربیلا ڈیم 100 ، دریائے ستلج پر موجود انڈین بھاکڑا ڈیم 90 فیصد تک بھر چکا ہے، پونگ ڈیم 99 فیصد اور تھین ڈیم 97 فیصد تک بھر چکا ہے۔

رپورٹ کے مطابق حالیہ سیلاب میں 60 افراد جاں بحق ہوئے ہیں ۔