دریائے سندھ کے گڈو بیراج کے مقام پر پنجاب سے سیلابی پانی کے آمد کا سلسلہ جاری ہے۔ جس کے نتیجہ میں سندھ میں خطرناک سیلابی صورتحال پیدا ہو گئی ہے۔
سیلابی صورتحال کی وجہ سے کشمور کے کچے کے علاقے خطرے کی زد میں ہیں ۔
کوٹ مٹھن کے مقام پر پانی کی سطح میں اضافہ ہوگیا جس کے بعد کچے سے بڑی تعداد میں لوگوں کی محفوظ مقامات کی جانب نقل مکانی کا سلسلہ جاری ہے، انتظامیہ نے بھی ایک بار پھر علاقہ مکینوں سے گھر خالی کرنے کی اپیل کردی۔
ادھر کھیرتھر میں بارشوں سے ندی نالوں میں طغیانی آگئی، صوبائی وزير آب پاشی جام خان شورو کا کہنا ہےکہ سندھ میں کوئی بند نہيں توڑے جائيں گے ، حکومت نے سپر فلڈ کی تیاری کر رکھی ہے، انتظامات مکمل ہیں جبکہ ڈیڑھ سے 2 لاکھ آبادی متاثر ہوسکتی ہے۔
