ملک میں سول وار کروانے کی کوشش ہو رہی ہے٬ رانا ثنا اللہ

لاہورٟ وزیراعظم کے مشیر برائے سیاسی امور رانا ثنااللہ کا کہنا ہے کہ موسمیاتی تبدیلی پوری دنیا میں آرہی ہے،پانی کا سکیل بہت زیادہ تھا۔ستلج اور راوی خشک ہوچکے تھے وہاں پانی بہت آیا ہے ۔ ان کا کہنا تھا کہ گورنمنٹ نے اس مرتبہ ٹیم ورک کیا ہے جس سے جانی نقصان کم سے کم ہوا ہے

گورنمنٹ کے تمام اداروں نے ایک ٹیم کے طور پر کام کیا ہے

لاکھوں افراد کو نکالا ہے۔اگر گورنمنٹ الرٹ نہ ہوتی تو نقصان بہت زیادہ ہوتا ۔ ایک سوال کے جواب میں رانا ثنا اللہ کا کہنا تھا کہ سول وار کی کوشش ہورہی ہے۔نو مئی کو یہ کوشش ہوئی چوبیس اور چھبیس تاریخ کو بھی کوشش کی گئی،سول وار کی کسی صورت اجازت نہیں دی جائے گی نہیں دی جاسکتی اس سے پاکستان کی سالمیت کو نقصان ہوسکتا ہے
۔ انھوں نے کہا کہ کوئی بھی دھڑا ہو اس کو سختی سے روکنا چاہیے
۔ ایک اور سوال کے جواب میں ان کا کہنا تھا کہ کسی زمانے میں آرمی چیف کی مدت چار سال ہوتی تھی پھر تین سال ہو گئے

اب آرمی چیف کی مدت پانچ سال ہو گئی ہے
دو ہزار ستائیس میں مدت پوری ہوگی اس کے بعد ایکسٹینش کا سوال پیدا ہوگا

فیلڈ مارشل عاصم منیر نے اٹھتر سالوں میں اس قوم کو معرکہ حق کی صورت میں فخر کرنے کا موقع دیا ہے