دی نیوز کی ایک خبر میں تہلکہ خیز انکشاف کیا گیا تھا جس میں انکشاف ہوا تھا کہ ایک سرکاری ملکیتی ادارے کے سی ای او نے 32 ماہ میں 35 کروڑ 50 لاکھ روپے سے زائد کے فوائد حاصل کیے۔
اس کے بعد وزیراعظم شہباز شریف نے سرکاری ملکیتی اداروں کے گورننس فریم ورک میں اصلاحات کے لیے ایک اعلیٰ سطح کی کمیٹی تشکیل دے دی۔
9 رکنی کمیٹی کی سربراہی وفاقی وزیر برائے اسٹیبلیشمنٹ کریں گے ۔
کابینہ ڈویژن کی جانب سے 15 اگست کو جاری نوٹیفکیشن کے مطابق کمیٹی کو ایس او ایز کے بورڈز کی تقرری اور گورننس کے عمل کا جائزہ لے کر اس کو شفاف اور مؤثر بنانے کا کام سونپا گیا ہے تاکہ اختیارات کے غلط استعمال کو روکا جاسکے ۔
