کشتی ریس میں کشتی کے کنارے پر کھڑے ہوکر ڈانس کرنے والا انڈونیشا سے تعلق رکھنے والا 11 سالہ بچہ راتوں راتوں انٹرنیٹ پر مشہور ہوگیا۔
انڈونیشا میں ثقافتی میلے میں ہونے والی کشتی ریس میں 11 سالہ ریان کشتی کے سرے پر کھڑا ہوکر اپنی ٹیم کا حوصلہ بلند کر رہا تھا کہ اچانک ڈگمگا گیا، ریان نے خود کو سنبھالتے ہوئے اپنے بازوں کے ذریعے ڈانس شروع کردیا۔
توازن رکھنے کے لیے غیر دانستہ طور کیا گیا ریان کا منفرد ڈانس دیکھتے دیکھتے ہی وائرل ہوگیا اور دنیا بھر کی مشہور شخصیات بھی اس ڈانس کلب میں شامل ہوگئیں
ریان کے ڈانس کو کار ریس کے ٹریک سے لےکر پیرس سینٹ جرمین فٹبال کلب کے میچ میں بھی نقل کیا گیا اور انٹرنیٹ پر کھیلوں کی معروف شخصیات نے ریان جیسا ڈانس کرکے پوسٹ کیا جب کہ اس ڈانس پر میمز بھی بنانے کا سلسلہ شروع ہوگیا۔ ریان کے ڈانس کو ‘aura farming’ کا نام دیا گیا ہے۔
برطانوی نشریاتی ادارے کو انٹرویو میں ریان کا کہنا تھا کہ اس نے یہ سب نہیں سوچا تھا لیکن موقع کی مناسبت سے خود بخود یہ ڈانس اسٹیپ ہوگیا
