جسٹس منصور علی شاہ آج عمرے کی ادائیگی کیلئے روانہ ہوں گے
چیف جسٹس آف پاکستان جسٹس قاضی فائز عیسیٰ آج مقدمات کی سماعت کریں گے جبکہ جسٹس منصور علی شاہ عمرے کی ادائیگی کے لیے سعودی عرب روانہ ہو رہے ہیں۔
چیف جسٹس قاضی فائز عیسیٰ گزشتہ روز جوڈیشل ورک کی وجہ سے چیمبر ورک پر چلے گئے تھے جبکہ اب وہ کمرہ عدالت نمبر ایک میں معمول کے مقدمات کی سماعت کریں گے۔
ذرائع کہنا ہے کہ جسٹس منصور علی شاہ جمعرات کو عمرے کی ادائیگی کے لیے روانہ ہو رہے ہیں، وہ چیف جسٹس قاضی فائز عیسیٰ کے اعزاز میں ہونے والے فل کورٹ ریفرنس میں شریک نہیں ہو سکیں گے، ان کی واپسی یکم نومبر کو ہوگی۔
رجسٹرار سپریم کورٹ نے کہا تھا کہ چیف جسٹس آف پاکستان قاضی فائز عیسیٰ کی ریٹائرمنٹ کے سلسلے میں فل کورٹ ریفرنس 25 اکتوبر کو صبح ساڑھے 10 بجے ہوگا، فل کورٹ ریفرنس میں صدر سپریم کورٹ بار ایسوسی ایشن سمیت سینئر وکلا کو مدعو کیا گیا ہے۔
رجسٹرار سپریم کورٹ کی جانب سے فل کورٹ ریفرنس کے لیے اٹارنی جنرل پاکستان کو بھی دعوتی مراسلہ ارسال کردیا گیا تھا۔
