امریکا افغانستان سے جاتے ہوئے ہمارے لیے دہشتگردوں کو چھوڑ گیا، لیفٹیننٹ جنرل (ر) عبدالقیوم

صدر ایکس سروس مین سوسائٹی لیفٹیننٹ جنرل (ر) عبدالقیوم نے کہا ہے کہ امریکا افغانستان سے جاتے ہوئے ہمارے لیے دہشت گردوں کو چھوڑ گیا ہے۔

اسلام آباد میں پریس کانفرنس کرتے ہوئے صدر ایکس سروس مین سوسائٹی کا کہنا تھا کہ امریکی فوج افغانستان سے جاتے ہوئے 42 ہزار نائٹ ویژن ڈیوائسز چھوڑ کر گئی، دہشتگرد نائٹ ویژن ڈیوائسز سے رات میں ہماری پوسٹوں پر حملے کرتے ہیں۔

انہوں نے یہ بھی کہا کہ افغانستان سے ہماری سرحد 2 ہزار 460 کلومیٹر طویل ہے۔

لیفٹیننٹ جنرل (ر) عبدالقیوم کا کہنا تھا کہ ہمارے تمام پڑوسیوں سے اچھے تعلقات ہونے چاہئیں۔

انکا کہنا تھا کہ دہشتگردی ہمارے ملک کا مسئلہ ہے، عزم استحکام کیخلاف صوبائی اسمبلی سے قرارداد کی منظوری افسوسناک ہے۔