پاکستان
سنی اتحاد کونسل کی مخصوص نشستوں کے کیس پر سماعت کے لیے لارجر بنچ تشکیل
سپریم کورٹ آف پاکستان نے سنی اتحاد کونسل کی مخصوص نشستوں کے کیس پر سماعت کے لیے لارجر بنچ تشکیل دے دیا ہے۔
چیف جسٹس کی سربراہی میں 13 رکنی لارجر بنچ 3 جون کو اس کیس کی سماعت کرے گا۔
جسٹس مسرت ہلالی علالت کے باعث بینچ کا حصہ نہیں ہوں گے۔ ان کے علاوہ سپریم کورٹ کے تمام ججز بینچ کا حصہ ہوں گے۔
یاد رہے سپریم کورٹ کے جج جسٹس منصور علی شاہ کی سربراہی میں تین رکنی بینچ نے گذشتہ سماعت پر حکومتی اتحاد کو دی گئی اضافی نشستیں معطل کر دی تھیں۔
